Qoruq direktoru vəzifəsinə işə qəbul üzrə müsabiqə keçirilir

Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidmətinin idarəetməsində olan “İlisu” Dövlət Tarix-Mədəniyyət Qoruğunun direktoru vəzifəsinə işə qəbul məqsədilə müsabiqə elan olunur.

Vəzifənin əsas məqsədi: Qoruğun fəaliyyətinin Azərbaycan Respublikasının qanunvericiliyinə uyğun təşkil edilməsi, tarix-mədəniyyət irsinin mühafizəsi, elmi tədqiqat, konservasiya, bərpa, turizm, maarifləndirmə və inzibati idarəetmə istiqamətlərində fəaliyyətin səmərəli həyata keçirilməsini təmin etmək.

Vəzifə öhdəlikləri:

• Qoruğun strateji inkişaf planının hazırlanmasını və icrasını təmin etmək;
• Qoruğa rəhbərlik etmək və onun fəaliyyətini təmin etmək;
• Tarix, mədəniyyət və arxeoloji irs nümunələrinin qorunmasını təşkil etmək;
• Dövlət proqramları və beynəlxalq layihələrin icrasında qoruğu təmsil etmək;
• Maliyyə, insan resursları və inzibati fəaliyyətə rəhbərlik etmək;
• Dövlət qurumları, beynəlxalq təşkilatlar, media və digər tərəfdaşlarla əməkdaşlıq qurmaq, qoruğu təmsil etmək və ictimai çıxışlar həyata keçirmək;
• Yerli və beynəlxalq təşkilatlarla əməkdaşlığı genişləndirmək;
• Qoruğun maddi-texniki bazasının gücləndirilməsi istiqamətində tədbirlər həyata keçirmək;
• Əməyin mühafizəsi, təhlükəsizlik və etik davranış qaydalarına riayət olunmasına nəzarət etmək.

Namizədə tələblər:

• Azərbaycan Respublikasının vətəndaşı olmalı;
• Ali təhsil (muzeyşünaslıq, tarix, arxeologiya, memarlıq, inzibati idarəetmə, mədəniyyətşünaslıq, dövlət idarəçiliyi, hüquq və turizm ixtisasları);
• Rəhbər vəzifədə 5 il iş təcrübəsi;
• Azərbaycan dilini mükəmməl, ingilis dilini B2 səviyyədə bilmək (digər xarici dillər üstünlük hesab olunur);
• Dövlət büdcəsi, layihələrin idarə olunması və strateji planlaşdırma sahəsində biliklər;
• Liderlik, qərarvermə, danışıqlar aparmaq və kollektivin idarə olunması bacarıqları;
• Kompüter (MS Office) bilikləri;
• Turizmin inkişafı, marketinq və brendinq, rəqəmsal irsin idarə olunması və mədəni irsin idarəedilməsi istiqamətlərində müasir idarəetmə yanaşmalarını tətbiq etmək bacarığına malik olmalıdır;
• Qrant, donor və sponsor vəsaitlərinin cəlb edilməsi üzrə beynəlxalq əməkdaşlıq və tərəfdaşlıq layihələrinin hazırlanması və idarə olunması sahəsində bilik və təcrübəyə malik olmalıdır.

Təqdim olunacaq sənədlər:

• CV;
• Şəxsiyyət vəsiqəsinin surəti.
• İş qrafiki: Həftədə 5 iş günü:
• İş saatı: 09:00-18:00;
• İş yeri: Qax rayonu, İlisu kəndi.

Müraciət qaydası:

Namizədlər tələb olunan sənədləri 20 iyul 2026-cı il tarixinədək info@heritage.gov.az elektron poçt ünvanına göndərə və ya Bakı şəhəri, Üzeyir Hacıbəyli küçəsi 84 ünvanına (Hökumət evi, 5-ci qapı, 1-ci mərtəbə) təqdim edə bilərlər.

Qeyd: yalnız ilkin seçim mərhələsini uğurla keçən namizədlərlə əlaqə saxlanılacaq.